Help gyda’ch biliau
Mae gennym nifer o ffyrdd y gallem o bosibl eich helpu a gwneud eich biliau'n fwy fforddiadwy.
Rydym yn cydnabod bod costau byw yn parhau i effeithio ar ein cwsmeriaid. Bwriad y dudalen hon yw rhoi cymorth a chefnogaeth i wneud biliau yn fwy fforddiadwy drwy godi ymwybyddiaeth o’r gwahanol opsiynau sydd ar gael all fod o fudd i aelwydydd a lleihau’r defnydd o ddŵr.
Ar hyn o bryd rydym yn cefnogi dros 145,000 o gwsmeriaid bob blwyddyn gyda chymorth ariannol ac arbedion gwerth hyd at £300. Yn ogystal â hyn, rydym yn rhoi cyngor a all arbed hyd at 215 litr o ddŵr y dydd.
Ffyrdd o ostwng eich biliau
-
Gwasgaru cost eich bil
Os ydych yn ei chael yn anodd talu eich bil yn llawn, gallech wasgaru’r gost drwy dalu’n wythnosol, yn fisol neu bob 6 mis, un ai drwy ddebyd uniongyrchol neu gerdyn talu.
-
Newid i fesurydd
Mae’n bosibl y gallech arbed arian pe byddai gennych fesurydd.
-
Arbed Dŵr, Arbed Arian
Gall trwsio gollyngiadau ostwng eich biliau dŵr. Gallwch gael gafael ar gynhyrchion a gwybodaeth arbed dŵr am ddim i arbed arian.
Ein cofrestr Gwasanaethau Blaenoriaeth
Dysgwch sut y gall ein Cofrestr Gwasanaethau Blaenoriaeth ddarparu cymorth ychwanegol i chi a'ch teulu i ddiwallu eich anghenion penodol.
Darganfod mwyCymorth ychwanegol gyda'ch biliauEin cynlluniau cymorth ariannol
-
Tariff HelpU
Ar gyfer cwsmeriaid mewn aelwydydd incwm isel ac sy’n derbyn budd-daliadau prawf modd.
-
Tariff WaterSure Cymru
Ar gyfer cwsmeriaid sydd â mesurydd sydd angen defnyddio mwy o ddŵr ac sy'n derbyn budd-daliadau prawf modd.
-
Cynllun Dŵr Uniongyrchol
Mae cofrestru ar gyfer cynllun talu Dŵr Uniongyrchol yn caniatáu i gwsmeriaid glirio ôl-ddyledion a thaliadau parhaus yn uniongyrchol o’u budd-daliadau ar gyfradd fforddiadwy.
-
Cymuned
Mae Cymuned yn darparu cymorth ariannol tymor byr i aelwydydd nad ydynt yn derbyn budd-daliadau ac sydd mewn cyllideb negyddol bob mis.
-
Cronfa Cymorth i Gwsmeriaid
Mae’r Gronfa Cymorth i Gwsmeriaid wedi’i chynllunio i helpu’r rhai sydd mewn caledi ariannol difrifol i glirio dyledion a chael rheolaeth dros eu taliadau.
Ydych chi’n derbyn yr holl fudd-daliadau y mae gennych hawl iddynt?
Cyfrifiannell Budd-daliadau Turn2us
Mae Turn2us yn elusen Genedlaethol sy’n helpu pobl mewn adegau anodd. Defnyddiwch eu Cyfrifiannell Budd-daliadau i ddarganfod pa fudd-daliadau lles y gallech fod â hawl iddynt i gael gymaint o arian â phosibl.
Defnyddio’r Gyfrifiannell Budd-daliadauOs oes arnoch arian i ni eisoes, wedi cael eich cysylltu gan Asiantaeth Casglu Dyledion neu wedi derbyn llythyrau ôl-ddyledion...
Gwyddom y gall bod mewn dyled fod yn straen a gall fod yn anodd gwneud yr alwad gyntaf. Dyma sut y gallwn ni helpu os ydych mewn ôl-ddyledion ar eich cyfrif.
Gofyn am alwad yn ôl am gynlluniau talu personol
Dywedwch wrthym beth yw eich amgylchiadau a'ch manylion cyswllt a byddwn yn adolygu eich cyfrif ac yn paratoi'r opsiynau gorau i chi. Yna bydd un o'n cynghorwyr cyfeillgar yn eich galw'n ôl i gytuno ar ffordd addas ymlaen. Gallwch wneud hyn gan ddefnyddio ein ffurflen ar-lein.
Os oes Asiantaeth Casglu Dyledion wedi cysylltu â chi
Rydym yn gweithio gydag Asiantaethau Casglu Dyledion i gysylltu â chwsmeriaid a chasglu taliadau ar ein rhan. Os ydych wedi derbyn llythyr ganddynt, y peth gorau i'w wneud yw ymateb iddynt drwy'r dulliau cyswllt yn y llythyr. Bydd eu cynghorwyr cyfeillgar wrth law i weithio gyda chi mewn ffordd anfeirniadol i'ch cael yn ôl ar y trywydd iawn
Cael cyngor diduedd
Y Cyngor Defnyddwyr Dŵr
Mae’r Cyngor Defnyddwyr Dŵr yn darparu cyngor a chanllawiau diduedd sy'n ymwneud ag unrhyw fath o broblem â chyflenwad dŵr neu garthffosiaeth mewn cartrefi.
Dysgu mwy
Ein Strategaeth Bregusrwydd newydd hyd at 2030
Cefnogi ein cwsmeriaid. Gweithio wrth galon ein cymuned.
Cliciwch yma i wybod mwy
Calendr digwyddiadau
y Tîm Cymunedol
Mae ein Tîm Cymunedol yn mynd ati i hyrwyddo'r gefnogaeth a gynigir ac yn mynd i ddigwyddiadau fforddiadwyedd mewn cymunedau ledled y rhanbarth yr ydym yn ei wasanaeth yn rheolaidd.
Gweler isod y rhestr lawn o ddigwyddiadau.