Dathlu digwyddiad fforwm datblygwyr arall

Mae'r rhai sy'n dod i’r fforwm datblygwyr yn cynnwys cyrff fel cwmnïau adeiladu mawr a chymdeithasau tai, ac yn ystod y sesiynau rydyn ni'n rhannu gwybodaeth â chwsmeriaid am y meysydd sy'n flaenoriaeth iddyn nhw, fel rheoliadau newydd a’r gwelliannau a wnaed i'n gwasanaethau, ac rydyn ni’n casglu adborth gwerthfawr ganddynt am brofiadau'r cwsmeriaid o weithio gyda ni ar gysylltiadau dŵr a charthffosiaeth newydd.

Cynhaliwyd ein fforwm datblygwyr diweddaraf yr wythnos ddiwethaf. Roedd dros 40 o bobl yn bresennol ac roedd y pynciau trafod yn amrywio o lefelau ffosffad wrth gynllunio adeiladau newydd i'r newidiadau arfaethedig i'r rheolau codi tâl a fu'n destun ymgynghoriad gan Ofwat y llynedd.

Bu'r adborth ar y fforwm yn gadarnhaol, gyda'r rhai fu'n bresennol yn rhoi marc o 4.4 allan o bump ar gyfartaledd. Rhoesant sgôr o 82% o ran pa mor fodlon oedden nhw â gwasanaeth yr adran gwasanaethau datblygu yn gyffredinol hefyd.

Lansiwyd cynllun ein Panel Cwsmeriaid Datblygu yn yr achlysur diweddaraf. Os yw'r pandemig wedi dysgu rhywbeth i ni, mae hi wedi cadarnhau pa mor bwysig yw hi ein bod ni’n cysylltu â'n cwsmeriaid datblygu'n rheolaidd i glywed eu pryderon a'u hadborth.

Rydyn ni'n bwriadu sefydlu panel cwsmeriaid newydd sbon a fydd yn cynnwys tua 10 o gwsmeriaid allweddol, a fydd yn gweithredu fel postyn taro ar gyfer unrhyw syniadau newydd a newidiadau arfaethedig, ac yn clustnodi ffyrdd y gall Dŵr Cymru a'i gwsmeriaid gydweithio. I'ch enwebu eich hun fel aelod o'r Panel Cwsmeriaid Datblygu, e-bostiwch kate.anderson@dwrcymru.com.

Yn olaf, hoffem ddiolch i bawb a ymunodd â ni am wneud y fforwm yn llwyddiant. Ac yn fwy na dim – diolch i'n cwsmeriaid datblygu am gymryd rhan yn ein fformat rhithiol, am ofyn y cwestiynau craff yna, ac am rannu eu meddyliau am bynciau allweddol am y diwydiant yn agored.

Os oes diddordeb gennych fynychu ffora datblygwyr y dyfodol, e-bostiwch developer.services@dwrcymru.com er mwyn i ni'ch ychwanegu at ein rhestr bostio.