Ein gwaith gyda Chyngor Sir Gaer i osod draen dŵr wyneb newydd

Ond efallai nad ydych chi'n ymwybodol o'r ffaith fod ein tîm gwasanaethau datblygu (sy'n gofalu am gysylltiadau newydd â'n rhwydwaith) wedi bod yn cydweithio'n agos â'r cyngor dros nifer o flynyddoedd i geisio dod o hyd i ffordd arall o ddelio â dŵr wyneb yn yr ardal fel nad yw'n mynd i'r system o garthffosydd cyfun, a hynny er bydd yr amgylchedd lleol a'r gymuned.

Os ydych chi'n byw ac yn gweithio yn yr ardal, byddwch chi'n gwybod bod carthffos gyfun yn gwasanaethu'r rhan fwyaf o Gaer, sy'n golygu bod angen i'r system garthffosiaeth ymdopi â'r dŵr wyneb a'r dŵr budr sy'n dod o eiddo. Mae hynny’n golygu bod glaw trwm yn gallu llethu'r system, a bod y gweithfeydd trin dŵr gwastraff yn gorfod trin y dŵr glaw hefyd, sy'n golygu bod yna lai o le yn y rhwydwaith am ddŵr gwastraff.

Yn debyg i'n prosiect GlawLif yn Llanelli, un ateb i'r broblem yw ailddatblygu rhannau o Gaer, a defnyddio atebion draenio cynaliadwy (SuDS) fel pantiau i gadw rhywfaint o'r dŵr wyneb allan o'n carthffosydd. Systemau draenio cynaliadwy yw'r pantiau sy'n creu ardaloedd gwyrdd sy'n dal y dŵr wyneb cyn ei ryddhau'n raddol bach i'n carthffosydd. Mae hyn yn lleihau'r perygl o lifogydd.

Yn rhan o'r cyfnod ailddatblygu diweddaraf, mae'r cyngor wedi penderfynu gwneud pethau mewn ffordd wahanol a chreu system ddraenio newydd ar gyfer ardal yr ailddatblygiad, sy'n cynnwys adeiladu draen dŵr wyneb newydd 1km o hyd trwy ganol y ddinas.

 diamedr o 1.2m, bydd hyn yn gofyn am naw siafft mynediad saith metro led a 12 metr o ddyfnder ar hyd y llwybr. Bydd y draen newydd yma’n mynd â'r holl ddŵr glaw nôl allan i Afon Dyfrdwy. Caiff dros 85% o'r draen newydd ei gosod gan ddefnyddio dulliau twnelu yn hytrach na ffos agored er mwyn tarfu cyn lleied â phosibl ar bethau ar y tir, ond bydd angen naw siafft mynediad ar hyd y llwybr er mwyn i'r offer twnelu weithredu rhyngddynt.

Bydd y draen newydd yn ein cynorthwyo i:

• Leihau llifogydd a byrstiau yn y draeniau yng nghanol y ddinas am y bydd ein system o garthffosydd yn llai tebygol o gael ei llethu, a bydd ganddi gapasiti uwch
• Lleihau faint o ddŵr sy'n mynd i'n gweithfeydd trin dŵr gwastraff, gan leihau faint o ynni sy'n cael ei ddefnyddio
• Lleihau nifer yr achosion pan fo angen i'n pibell gorlif storm gyfun - sy'n hanfodol i atal eiddo rhag dioddef llifogydd carthion mewnol mewn tywydd stormus - weithredu

Dywedodd Andrew Lewis, prif weithredwr Cyngor Gorllewin Sir Gaer a Dinas Caer: “Mae'r draen newydd yn fuddsoddiad pwysig i ddiogelu Caer at y dyfodol wrth i’r ddinas ymadfer yn sgil y pandemig, ac mae'n ofyniad hanfodol cyn i ni gyflawni ein cynlluniau adfywio pwysig, gan gynnwys datblygiad Northgate.”

Mae rhagor o fanylion am y prosiect a'i fanteision yma