Cais am fesurydd dŵr

Information

Mae nifer fawr iawn o geisiadau am fesuryddion yn dod i law ar hyn o bryd, felly gallai hi gymryd mwy o amser nac arfer i ni ymateb. Os ydych chi wedi cyflwyno cais, gallwn gadarnhau ei fod e’n cael ei brosesu ac nid oes angen i chi gysylltu â ni eto. Cewch alwad gan rif 0330 pan fyddwn ni’n ceisio trefnu apwyntiad gyda chi.

Ymddiheurwn am unrhyw anghyfleustra.

Os ydych chi am gyflwyno cais am fesurydd, gallwch wneud hynny ar lein.

Ein Prif Weithredwr, Peter Perry, yn edrych nôl ar ein Diwrnod Ymgysylltu Cwsmeriaid


4 Gorffennaf 2022

Yn gynharach yn yr wythnos, treuliodd ein Bwrdd, aelodau o’n tîm gweithredol, a rhai o gynrychiolwyr ein Grŵp Herio ar ran Cwsmeriaid (CCG – sef y grŵp annibynnol sy’n craffu ar ein cysylltiadau â chwsmeriaid) ddiwrnod yn trafod rhai o’r sialensiau sy’n ein hwynebu â grŵp o’n cwsmeriaid.

Siaradodd y cwsmeriaid yn ddi-flewyn ar dafod ac yn onest â ni, a fu’n gymorth mawr i ni weld sut mae ein gwaith yn effeithio ar eu bywydau, ymhle maen nhw’n credu y mae lle i ni wella, a beth y dylem fod yn ei flaenoriaethu.

Yn gynharach yn yr wythnos, treuliodd ein Bwrdd, aelodau o’n tîm gweithredol, a rhai o gynrychiolwyr ein Grŵp Herio ar ran Cwsmeriaid (CCG – sef y grŵp annibynnol sy’n craffu ar ein cysylltiadau â chwsmeriaid) ddiwrnod yn trafod rhai o’r sialensiau sy’n ein hwynebu â grŵp o’n cwsmeriaid. Siaradodd y cwsmeriaid yn ddi-flewyn ar dafod ac yn onest â ni, a fu’n gymorth mawr i ni weld sut mae ein gwaith yn effeithio ar eu bywydau, ymhle maen nhw’n credu y mae lle i ni wella, a beth y dylem fod yn ei flaenoriaethu.

Mae deall beth mae ein cwsmeriaid wir yn ei ddymuno, a blaenoriaethu ar sail hynny, yn hanfodol bwysig er mwyn i ni fodloni eu disgwyliadau, ond mae siarad â nhw’n uniongyrchol yn amhrisiadwy, oherwydd yn aml mae emosiwn yr amgylchiadau personol a’r sialensiau sy’n eu hwynebu’n mynd yn angof wrth i ni wneud penderfyniadau busnes.

Dwi ddim yn gwybod pwy oedd yn ofni’r sesiwn y mwyaf – y cwsmeriaid neu ein tîm uwch a’n Bwrdd. Nid yw cwrdd â chriw o “Reolwyr a Chyfarwyddwyr” yn rhywbeth y byddai llawer o bobl yn ei ystyried yn “hwyl”, ond mae cyfarfod â grŵp o gwsmeriaid nad ydych chi erioed wedi cwrdd â nhw o’r blaen sydd wedi cael eu hannog i fod yn blwmp ac yn blaen a dweud y gwir yn onest wrthym yn codi lefelau’r pryder ychydig bach wrth gamu i sefyllfa lle gallech gael eich herio am unrhyw beth. Ond mae sialens o’r fath yn beth da a chadarnhaol, ac yn rhywbeth y dylid ei groesawu bob tro… hyd yn oed os yw’n teimlo’n anghyffyrddus ar y pryd.

Roedd y grŵp o gwsmeriaid ddaeth i gwrdd â ni ddoe yn wybodus iawn, a chodwyd pwyntiau hynod o graff a rhesymol. Tarodd nifer o’r pwyntiau dant gyda fi, ac mae’r holl bwyntiau hyn yn adlewyrchu pa mor astrus yw rhai o’r cwestiynau y bydd angen eu hateb wrth i ni ddrafftio ein cynllun busnes ar gyfer 2025-30.

Yn gyntaf, yn nhermau’r gwasanaethau craidd a ddarparwn, dywedodd y cwsmeriaid wrthym eu bod nhw’n disgwyl gwasanaeth da, ond nid un euraid. Maen nhw am i ni ddarparu dŵr yfed glân a chael gwared arno’n ddiogel; ac yn teimlo y dylai’r bobl hynny sy’n cael problemau drosodd a thro gael buddsoddiad wedi ei dargedu i drwsio eu problem (yn enwedig os yw hynny’n ymwneud â llifogydd carthion yn eu cartrefi). Ond nid ydyn nhw am i ni fynd ar ôl targedau sy’n gwella’n barhaus os yw lefel y gwasanaeth eisoes yn uchel â chost gwneud hynny’n drech na’r manteision, neu’n tynnu buddsoddiad o feysydd eraill o’n gwaith lle mae angen mwy o ffocws.

Yn ail, mae yna safbwyntiau gwahanol iawn am rai pynciau – nid yn nhermau dadlau neu wrthwynebu cryf, ond yn nhermau blaenoriaethu. Dywedodd y grŵp bach yma o gwsmeriaid wrthym taw eu blaenoriaethau nhw oedd cael gwasanaeth da gennym, amddiffyn eu cartrefi, ac wedyn eu cymuned ehangach a’u hamgylchedd (gan gynnwys afonydd). Ond o fewn y grŵp, roedd yna nifer fechan a oedd yn gosod yr amgylchedd ar frig eu rhestr o flaenoriaethau.

Yn yr un modd, gyda biliau cwsmeriaid, roedd y rhan fwyaf o’r cwsmeriaid yn hapus i weld biliau’n cynyddu er mwyn buddsoddi mewn gwelliannau er mwyn lleihau’r effaith ar yr amgylchedd, ac i beidio â thynnu costau diangen ar gyfer cenedlaethau’r dyfodol. Fodd bynnag, esboniodd grŵp llai fod pethau eisoes yn dynn iawn o ran eu cyllid personol – roedd rhai wedi dyblu eu sifftiau gwaith, wedi dechrau tyfu eu bwyd eu hunain, ac yn ymweld â banciau bwyd. Roedd hi’n agoriad llygad clywed eu straeon a dweud y gwir. Felly er y byddai llawer ohonynt yn fodlon gweld cynnydd yn eu biliau, byddai’n gam yn rhy bell i eraill. Y sialens i ni yw ffeindio ffordd o’u cynorthwyo i gadw eu biliau’n fforddiadwy gymaint â phosibl gyda chymorth ariannol pellach.

Yn drydydd, nid yw’r symudiad tuag at ddigideiddio’n ddatblygiad cadarnhaol i bawb. Eto, roedd safbwyntiau’n amrywio, ond nid yw cwsmeriaid yn disgwyl i ni ddarparu gwasanaeth “Amazon-aidd” – maen nhw am i ni gadw i fyny â’r cyfleustodau, ond maen nhw am i ni gynnal y cysylltiad dynol i’r rhai sydd ei eisiau a’i angen hefyd. Rwy’n sicr fod yna wersi lu i’w dysgu gan fusnes mesuryddion clyfar y sector ynni, ond mae angen edrych ar yr effaith o sawl ongl gwahanol. I un cwsmer, bydd mesurydd clyfar yn cynnig rheolaeth a sicrwydd am eu defnydd o ynni, ond i un arall, sy’n byw dan amgylchiadau ariannol anos o lawer, gallai presenoldeb mesurydd clyfar fod yn rhywbeth sy’n eu hatgoffa’n barhaus am eu problemau sy’n achosi pryder ac sydd felly’n cael ei guddio – fel y dywedodd un cwsmer “Mae’n well gen i beidio â’i weld e.” I ni, gallai hynny olygu y byddai cyflwyno mesuryddion dŵr clyfar o ddiddordeb mawr ac o fudd i rai cwsmeriaid, ond i eraill, nid bocs digidol yw’r cymorth sydd ei angen arnynt, ond arweiniad a chymorth gan berson go iawn. Bydd angen i ni ffeindio ffordd o gynorthwyo’r naill a’r llall, a dysgu sut i wybod pwy sydd angen beth.

Yn olaf, cafwyd trafodaeth ddifyr iawn am ymhle mae rôl y cwmni a chyfrifoldeb y cwsmer yn dechrau ac yn gorffen: pa mor bell ddylen ni fynd i drwsio problemau cwsmeriaid pan fo’r rheiny ar eu heiddo nhw (e.e. disodli pibellau plwm) neu yn gyfrifoldeb iddyn nhw (e.e. gollyngiadau yn eu heiddo)? A ddylem addysgu cwsmeriaid yn well i chwarae eu rhan yn hytrach na thrwsio’r broblem iddyn nhw gan ddefnyddio buddsoddiad y mae mawr angen amdano a allai fod yn fwy buddiol yn rhywle arall?

Beth oedd yn glir oedd bod y cwsmeriaid yn teimlo bod yna rôl fwy y gallent ei chwarae wrth helpu i gyflawni ein hamcanion cyffredin – ond bod angen cymorth arnynt a bod angen iddynt gael eu haddysgu o ran beth y mae angen ei wneud. Y sialens i ni yw taro cydbwysedd rhwng gweithio gyda chwsmeriaid i’w haddysgu a newid ymddygiad (sy’n cymryd amser) a chyflawni ymyraethau eraill â lefel uwch o sicrwydd er mwyn bodloni’r gofynion rheoliadol sydd eu hangen gennym. Un peth sy’n sicr, mae’r sialensiau rydyn ni’n eu hwynebu fel cymdeithas ac fel cwmni dros y blynyddoedd nesaf yn sylweddol – ond trwy gydweithio, siarad a gwrando, mae gennym well cyfle o’u taclo!

Mae deall beth mae ein cwsmeriaid wir yn ei ddymuno, a blaenoriaethu ar sail hynny, yn hanfodol bwysig er mwyn i ni fodloni eu disgwyliadau, ond mae siarad â nhw’n uniongyrchol yn amhrisiadwy, oherwydd yn aml mae emosiwn yr amgylchiadau personol a’r sialensiau sy’n eu hwynebu’n mynd yn angof wrth i ni wneud penderfyniadau busnes.

Dwi ddim yn gwybod pwy oedd yn ofni’r sesiwn y mwyaf – y cwsmeriaid neu ein tîm uwch a’n Bwrdd. Nid yw cwrdd â chriw o “Reolwyr a Chyfarwyddwyr” yn rhywbeth y byddai llawer o bobl yn ei ystyried yn “hwyl”, ond mae cyfarfod â grŵp o gwsmeriaid nad ydych chi erioed wedi cwrdd â nhw o’r blaen sydd wedi cael eu hannog i fod yn blwmp ac yn blaen a dweud y gwir yn onest wrthym yn codi lefelau’r pryder ychydig bach wrth gamu i sefyllfa lle gallech gael eich herio am unrhyw beth. Ond mae sialens o’r fath yn beth da a chadarnhaol, ac yn rhywbeth y dylid ei groesawu bob tro… hyd yn oed os yw’n teimlo’n anghyffyrddus ar y pryd.

Roedd y grŵp o gwsmeriaid ddaeth i gwrdd â ni ddoe yn wybodus iawn, a chodwyd pwyntiau hynod o graff a rhesymol. Tarodd nifer o’r pwyntiau dant gyda fi, ac mae’r holl bwyntiau hyn yn adlewyrchu pa mor astrus yw rhai o’r cwestiynau y bydd angen eu hateb wrth i ni ddrafftio ein cynllun busnes ar gyfer 2025-30.

Yn gyntaf, yn nhermau’r gwasanaethau craidd a ddarparwn, dywedodd y cwsmeriaid wrthym eu bod nhw’n disgwyl gwasanaeth da, ond nid un euraid. Maen nhw am i ni ddarparu dŵr yfed glân a chael gwared arno’n ddiogel; ac yn teimlo y dylai’r bobl hynny sy’n cael problemau drosodd a thro gael buddsoddiad wedi ei dargedu i drwsio eu problem (yn enwedig os yw hynny’n ymwneud â llifogydd carthion yn eu cartrefi). Ond nid ydyn nhw am i ni fynd ar ôl targedau sy’n gwella’n barhaus os yw lefel y gwasanaeth eisoes yn uchel â chost gwneud hynny’n drech na’r manteision, neu’n tynnu buddsoddiad o feysydd eraill o’n gwaith lle mae angen mwy o ffocws.

Yn ail, mae yna safbwyntiau gwahanol iawn am rai pynciau – nid yn nhermau dadlau neu wrthwynebu cryf, ond yn nhermau blaenoriaethu. Dywedodd y grŵp bach yma o gwsmeriaid wrthym taw eu blaenoriaethau nhw oedd cael gwasanaeth da gennym, amddiffyn eu cartrefi, ac wedyn eu cymuned ehangach a’u hamgylchedd (gan gynnwys afonydd). Ond o fewn y grŵp, roedd yna nifer fechan a oedd yn gosod yr amgylchedd ar frig eu rhestr o flaenoriaethau.

Yn yr un modd, gyda biliau cwsmeriaid, roedd y rhan fwyaf o’r cwsmeriaid yn hapus i weld biliau’n cynyddu er mwyn buddsoddi mewn gwelliannau er mwyn lleihau’r effaith ar yr amgylchedd, ac i beidio â thynnu costau diangen ar gyfer cenedlaethau’r dyfodol. Fodd bynnag, esboniodd grŵp llai fod pethau eisoes yn dynn iawn o ran eu cyllid personol – roedd rhai wedi dyblu eu sifftiau gwaith, wedi dechrau tyfu eu bwyd eu hunain, ac yn ymweld â banciau bwyd. Roedd hi’n agoriad llygad clywed eu straeon a dweud y gwir. Felly er y byddai llawer ohonynt yn fodlon gweld cynnydd yn eu biliau, byddai’n gam yn rhy bell i eraill. Y sialens i ni yw ffeindio ffordd o’u cynorthwyo i gadw eu biliau’n fforddiadwy gymaint â phosibl gyda chymorth ariannol pellach.

Yn drydydd, nid yw’r symudiad tuag at ddigideiddio’n ddatblygiad cadarnhaol i bawb. Eto, roedd safbwyntiau’n amrywio, ond nid yw cwsmeriaid yn disgwyl i ni ddarparu gwasanaeth “Amazon-aidd” – maen nhw am i ni gadw i fyny â’r cyfleustodau, ond maen nhw am i ni gynnal y cysylltiad dynol i’r rhai sydd ei eisiau a’i angen hefyd. Rwy’n sicr fod yna wersi lu i’w dysgu gan fusnes mesuryddion clyfar y sector ynni, ond mae angen edrych ar yr effaith o sawl ongl gwahanol. I un cwsmer, bydd mesurydd clyfar yn cynnig rheolaeth a sicrwydd am eu defnydd o ynni, ond i un arall, sy’n byw dan amgylchiadau ariannol anos o lawer, gallai presenoldeb mesurydd clyfar fod yn rhywbeth sy’n eu hatgoffa’n barhaus am eu problemau sy’n achosi pryder ac sydd felly’n cael ei guddio – fel y dywedodd un cwsmer “Mae’n well gen i beidio â’i weld e.” I ni, gallai hynny olygu y byddai cyflwyno mesuryddion dŵr clyfar o ddiddordeb mawr ac o fudd i rai cwsmeriaid, ond i eraill, nid bocs digidol yw’r cymorth sydd ei angen arnynt, ond arweiniad a chymorth gan berson go iawn. Bydd angen i ni ffeindio ffordd o gynorthwyo’r naill a’r llall, a dysgu sut i wybod pwy sydd angen beth.

Yn olaf, cafwyd trafodaeth ddifyr iawn am ymhle mae rôl y cwmni a chyfrifoldeb y cwsmer yn dechrau ac yn gorffen: pa mor bell ddylen ni fynd i drwsio problemau cwsmeriaid pan fo’r rheiny ar eu heiddo nhw (e.e. disodli pibellau plwm) neu yn gyfrifoldeb iddyn nhw (e.e. gollyngiadau yn eu heiddo)? A ddylem addysgu cwsmeriaid yn well i chwarae eu rhan yn hytrach na thrwsio’r broblem iddyn nhw gan ddefnyddio buddsoddiad y mae mawr angen amdano a allai fod yn fwy buddiol yn rhywle arall?

Beth oedd yn glir oedd bod y cwsmeriaid yn teimlo bod yna rôl fwy y gallent ei chwarae wrth helpu i gyflawni ein hamcanion cyffredin – ond bod angen cymorth arnynt a bod angen iddynt gael eu haddysgu o ran beth y mae angen ei wneud. Y sialens i ni yw taro cydbwysedd rhwng gweithio gyda chwsmeriaid i’w haddysgu a newid ymddygiad (sy’n cymryd amser) a chyflawni ymyraethau eraill â lefel uwch o sicrwydd er mwyn bodloni’r gofynion rheoliadol sydd eu hangen gennym. Un peth sy’n sicr, mae’r sialensiau rydyn ni’n eu hwynebu fel cymdeithas ac fel cwmni dros y blynyddoedd nesaf yn sylweddol – ond trwy gydweithio, siarad a gwrando, mae gennym well cyfle o’u taclo!