Ceisiadau i Raddedigion yn agor heddiw!
3 Hydref 2022
Rydyn ni’n chwilio am unigolion brwd, uchelgeisiol a dawnus i ymuno â’n Rhaglenni Graddedigion yn 2023.
Os ydych chi am ehangu eich dealltwriaeth am y diwydiant dŵr, ac ymuno â chwmni nid-er-elw sy’n ail-fuddsoddi pob un geiniog y mae’n eu gwneud yn y gymuned, Dŵr Cymru yw’r lle i chi.
Yn Dŵr Cymru, rydyn ni’n cadw tair miliwn o bobl yn iach trwy ddarparu cyflenwadau diogel a dibynadwy o ddŵr yfed ar eu cyfer cyn cludo unrhyw ddŵr gwastraff i ffwrdd i’w lanhau, ac yn cyflawni’r broses eto drosodd a thro - 24 awr y dydd, 7 diwrnod yr wythnos.
Mae ein cynlluniau i raddedigion sy’n symud yn gyflym yn cynnig amgylchedd dysgu difyr ac ymestynnol i’ch helpu chi i ddatblygu eich gwybodaeth, eich sgiliau a’ch profiad i gael cychwyn cadarn yn eich gyrfa.
O’r diwrnod cyntaf un, byddwch chi’n aelod o dîm hanfodol bwysig sy’n darparu gwasanaeth angenrheidiol ar gyfer ein cwsmeriaid.
Ac i ddiolch i chi am eich ymroddiad, eich angerdd a’ch penderfyniad, cewch gyflog cystadleuol a’r sicrwydd o ddiogelu swydd ar ddiwedd y rhaglen ddwy flynedd o hyd.
Nodweddion allweddol ein rhaglen:
- Lleoliadau chwe mis a rhaglen o hyfforddiant strwythuredig
- Y cyfle i ddatblygu eich gallu technegol
- Cyfleoedd helaeth am hyfforddiant technegol, cyrsiau allanol a hyfforddiant mewn swydd
- Cyfleoedd i ddysgu gan arbenigwyr trwy weithio ar brosiectau allweddol
- Cymorth mentora
- Y potensial i ennill rôl dechnegol allweddol yn y busnes ar ôl cwblhau’r rhaglen
Pa rolau sydd ar gael?
Y Rhaglen Dechnegol
Nod y Rhaglen Datblygu Technegol yw cynyddu eich gallu technegol, a bydd yn caniatáu i chi lwyddo i ennill rôl dechnegol allweddol yn y busnes ar ôl cwblhau’r rhaglen i raddedigion.
Rydyn ni’n cynnig amrywiaeth o raglenni datblygu technegol, gan gynnwys Peirianneg Sifil, Peirianneg Trydan, Peirianneg Rheoli, Gwyddorau Data, Peirianneg Data, Economeg a Rheoleiddio Ariannol. Cyfeiriwch at y cyfleoedd isod i weld y swyddi sydd ar gael.
Y cyfle: Cyfalaf Dŵr – Peirianneg Sifil
Lleoliad: Y de
Y cyfle: Biosolidau Gwastraff
Lleoliad: Y de
Y cyfle: Gwasanaethau Technoleg Integredig
Lleoliad: Y de
Y cyfle: Peirianneg Data
Lleoliad: Y de
Cewch fanylion llawn am y rhaglenni sydd ar gael a sut i wneud cais drwy ymweld â'r wefan.