Lansio ein canllaw hunanasesu effeithlonrwydd dŵr newydd ar gyfer busnesau bach
16 Gorffennaf 2021
Am y bu llawer o fusnesau ar gau am gyfnodau hir yn ystod y pandemig, mae hi’n amser da nawr i roi hwb i arferion arbed dŵr newydd wrth leihau eich effaith ar yr amgylchedd.
Os oes gennych chi fusnes bach, mae'n hawdd cymryd dŵr yn ganiataol pan fo'ch ffocws ar wneud y peth rydych chi orau am ei wneud – sef cadw'ch busnes yn rhedeg. Ond a oeddech chi'n gwybod bod y busnes cyfartalog yn y DU yn defnyddio 30% yn fwy o ddŵr nag sydd ei angen?
Rydyn ni wedi datblygu canllaw hunanasesu yn arbennig ar gyfer perchnogion a gweithwyr busnesau bach i'ch galluogi i leihau eich defnydd o ddŵr.
Canllaw ymarferol yw hwn a fydd yn eich tywys chi trwy ein dull o fynd ati:
- Gwirio – Mae'r cam yma'n cynnwys clustnodi unrhyw ollyngiadau a dod i nabod eich defnydd arferol o ddŵr. Oeddech chi'n gwybod bod 90% o ollyngiadau’n gudd?
- Deall – Mae hyn yn cynnwys edrych yn fanylach ar eich defnydd o ddŵr.
- Gweithredu – Mae'r cam olaf yma'n cynnwys datblygu cynllun gweithredu i leihau eich defnydd o ddŵr a chadw’ch biliau dŵr yn isel.
Bydd defnyddio llai o ddŵr yn arbed arian i chi, yn lleihau eich ôl troed carbon, a thrwy ddefnyddio llai o ddŵr mewn proses weithgynhyrchu sy'n cynhesu dŵr, byddwch chi'n lleihau eich biliau ynni hefyd.
Gallwch lawrlwytho'r canllaw hunanasesu yma.
I gael rhagor o wybodaeth am sut y gallwch leihau eich defnydd o ddŵr yn eich busnes, cysylltwch â'n Tîm Gwasanaethau Busnes ar 0800 260 5052, BST@dwrcymru.com neu ewch i Gwasanaethau Busnes am fanylion.