Dŵr Cymru yn dathlu Wythnos Genedlaethol Cynhwysiant 2022

Mae ein Strategaeth Cydraddoldeb, Amrywiaeth a Chynwysoldeb yn ategu gweledigaeth y cwmni ac mae'n seiliedig ar ei werthoedd. Mae'n pennu ein cynigion i hyrwyddo diwylliant lle mae amrywiaeth ein cwsmeriaid a'n gweithwyr yn cael ei werthfawrogi.

Mae Wythnos Genedlaethol Cynhwysiant yn wythnos benodedig i ddathlu cynhwysiant a chymryd camau i greu gweithleoedd cynhwysol.

Yn Dŵr Cymru, arweiniwyd Wythnos Genedlaethol Cynhwysiant o’r brig gyda’n Prif Weithredwr, Peter Perry, yn cysylltu ar ran y cwmni â phob cydweithiwr i bwysleisio pwysigrwydd Wythnos Genedlaethol Cynhwysiant.

Dywedodd, “Mae'n rhaid i ni fod â safbwynt yr 21ain ganrif ar bopeth a wnawn i greu diwylliant cynhwysol. Mae'n ymwneud â bod yn gynghreiriad a helpu cydweithwyr i deimlo'n gyfforddus a'u bod yn cael eu cefnogi, er mwyn sicrhau y gallant fod yn nhw eu hunain pan fyddant yn dod i'r gwaith.”

Anogodd bawb i weithredu heddiw er mwyn gwireddu cynhwysiant bob dydd, gan annog cydweithwyr i fanteisio ar y cyfle i fynychu cyfres o weithdai a ddarparwyd yn ystod yr wythnos gynhwysiant yn cwmpasu Cynghreiriaeth, Iaith Gynhwysol a sut y gallwn gefnogi ein gilydd yn well.

Daeth cydweithwyr o bob rhan o’r sefydliad a dau o’n cyfarwyddwyr anweithredol, i'r sesiwn iaith gynhwysol yr wythnos hon.

Dywedodd Jo Kenrick, Cyfarwyddwr Anweithredol, “Mae’n wych gweld y gwaith sy’n digwydd yn Dŵr Cymru; roedd yn sesiwn llawn gwybodaeth, ac yn cynnwys llawer o bethau i’w dysgu. Cefais fy nghalonogi o weld dros fy hun y sesiynau’n cael eu cyflwyno, a byddaf yn parhau i wneud popeth o fewn fy ngallu o safbwynt y bwrdd i gefnogi taith Dŵr Cymru.” 

Mae Cyfartal i Chi yn fenter arall sy'n darparu hyfforddiant mewn amgylchedd diogel gan ddefnyddio gêm fwrdd difyr, rhyngweithiol a heriol. Rydym yn hyrwyddo hyn yn ystod yr wythnos cynhwysiant a chynhelir sesiynau hyfforddi drwy gydol y flwyddyn, gan sicrhau ein bod yn cynnig cyfleoedd i bob aelod o'n staff gymryd rhan.

Yn Dŵr Cymru, mae gennym amrywiaeth o rwydweithiau a arweinir gan y gweithwyr, gan gynnwys:

• Embrace (Rhwydwaith hil)
• Cristnogion yn Dŵr Cymru
• ABLE (Rhwydwaith Salwch Cronig a Chyflwr Iechyd Hirdymor)
• Rhwydwaith Cynghreiriaid LGBT+
• Rhwydwaith Menywod

Mae croeso i bawb fynychu’r grwpiau hyn ac maent yn fannau diogel i gydweithwyr rannu profiadau, nodi rhwystrau a heriau, a rhannu arferion gorau. Mae rhai grwpiau Rhwydwaith wedi cael eu henwebu eleni ar gyfer gwobrau allanol i gydnabod y gwaith a wnawn.

Cawn ein cefnogi’n llawn a’n hannog i gymryd rhan mewn mentrau cynhwysol a grwpiau rhwydwaith, gan ein Prif Swyddog Gweithredol, Peter Perry, yn ogystal â'n bwrdd a'n timau gweithredol.

 Yn ystod y flwyddyn ddiwethaf, i gefnogi ein gwaith ar gydraddoldeb, amrywiaeth a chynhwysiant ymhellach, penodwyd Stephne Puddy yn arweinydd ar gyfer cynhwysiant. Mae'r rôl yn ein helpu i fwrw ymlaen â'n cynllun gweithredu a'n gweledigaeth a rennir. Dywedodd Stephne, “Roeddwn wrth fy modd pan newidiodd fy rôl i fod yn Arweinydd Cynhwysiant ar gyfer Dŵr Cymru. Rydym wedi bod yn cymryd camau breision i wneud Dŵr Cymru yn lle gwell, ond rydym yn gwybod bod gennym fwy o waith i'w wneud. Mae Wythnosau Cenedlaethol Cynhwysiant yn rhoi cyfle gwych i ni ddathlu’r hyn rydym wedi’i gyflawni hyd yma, gan amlygu’r meysydd y gallwn ganolbwyntio arnynt wrth symud ymlaen, ac mae gwybod ein bod yn gweithio mewn sefydliad lle mae gennym gefnogaeth yr holl dîm gweithredol yn golygu cymaint.”