Cau

Dewislen
English

Sut allwn ni eich helpu?

Mae ein cwsmeriaid fel arfer yn chwilio am:

Byrstio yng Ngwaith Trin Dŵr Bryn Cowlyd

Updated: 22:00 17 January 2025

Gallwn gadarnhau bod pedair orsaf dŵr potel swyddogol wedi agor ym Mharc Eirias (LL29 7SP), Llandudno West Shore Car Park (LL30 2BG), Bodlondeb, Conwy (LL32 8DU) a Zip World Conwy (LL32 8QE). Byddwn hefyd yn agor trydedd orsaf ddŵr ac yn anelu at ddosbarthu paledi o ddŵr potel i rai lleoliadau cymunedol allweddol i gefnogi ein cwsmeriaid.

Gallwn gadarnhau bod y gwaith atgyweirio ar y brif bibell ddŵr wedi byrstio yng Ngwaith Trin Dŵr Bryn Cowlyd, Dolgarrog wedi’i gwblhau amser cinio. Rydym nawr yn ail-lenwi'r rhwydwaith.

Ni fydd cyflenwadau dŵr yn cael eu hadfer yn llawn i'r holl gwsmeriaid sydd wedi eu heffeithio am hyd at 48 awr.

Mae hon yn brif bibell ddŵr pwysedd uchel, ac rydym mewn cyfnod anodd iawn yn y broses. Mae angen i ni ail-lenwi'r prif gyflenwad dŵr a'r rhwydwaith dŵr ehangach yn ofalus iawn er mwyn osgoi problemau pellach.

Mae'r rhwydwaith bron yn 900km o hyd ac mae'n cynnwys 13 tanc storio tanddaearol, gyda'n tanc storio mwyaf yn cyfateb i 9 pwll nofio maint Olympaidd.

Bydd cyflenwad dŵr gwahanol gymunedau o fewn ardal y rhwydwaith yn cael ei adfer ar wahanol adegau, wrth i'r rhwydwaith lenwi eto.

Mae dŵr afliwiedig o'ch tapiau yn normal ar ôl y fath broblemau. Mae hyn fel arfer dros dro ac yn diflannu unwaith y bydd y rhwydwaith wedi setlo.

Gofynnwn hefyd i gwsmeriaid wirio eu tapiau i sicrhau eu bod ar gau er mwyn helpu i gadw cyflenwadau wrth i ni ail-lenwi'r rhwydwaith.

I gydnabod yr anghyfleustra a brofir gan gwsmeriaid oherwydd y diffyg cyflenwad, bydd pob cartref cymwys yn cael £30 mewn iawndal am bob 12 awr yr effeithiwyd ar eu cyflenwadau. Bydd hwn yn cael ei dalu'n awtomatig i gwsmeriaid yn eu cyfrifon banc. Bydd sieciau'n cael eu dosbarthu dros yr wythnosau nesaf i gwsmeriaid nad ydynt wedi cofrestru cyfrif banc gyda ni. Bydd cwsmeriaid busnes yn cael iawndal o £75 am bob 12 awr yr effeithiwyd ar eu cyflenwadau ond bydd busnesau hefyd yn gallu cyflwyno hawliadau ar wahân am golli incwm ychwanegol. Mae manylion wedi'u cyhoeddi yma ar gyfer cwsmeriaid busnes sy'n cael eu heffeithio gan y digwyddiad hwn.

Gall cwsmeriaid gael y wybodaeth ddiweddaraf ar yn eich ardal neu ein dilyn ar ein sianeli cyfryngau cymdeithasol.

Taliadau Ewyllys Da ar gyfer Cwsmeriaid Dibreswyl yng Nghonwy (h.y. Cwsmeriaid Busnes)

Bydd Dŵr Cymru yn talu iawndal o £75 i bob busnes wnaeth golli eu cyflenwad dŵr am bob 12 awr yr effeithiwyd ar eu cyflenwadau.

Ochr yn ochr â hyn, mae Dŵr Cymru hefyd wedi cytuno i wneud cyfraniadau ewyllys da ar gyfer pob cwsmer busnes tuag at rai costau/colled o elw crynswth.

Mae manylion isod ar y cymhwyster, y meini prawf a’r broses ar gyfer gwneud cais am gyfraniad ewyllys da tuag at gostau/colli elw gros.

Meini prawf cymhwyster

The following criteria must be met for your business to be eligible to apply for a goodwill contribution payment.

  • Rydych chi'n gwsmer busnes sydd wedi'ch effeithio'n uniongyrchol gan y brif bibell ddŵr sydd wedi byrstio yng Ngwaith Trin Dŵr Bryn Cowlyd
  • Rhaid i chi fod yn fusnes sydd wedi'i leoli'n barhaol yn lleoliad y cais e.e. nid yw'n fusnes symudol/ymweliad gan gynnwys gwasanaethau tacsi.
  • haid i'ch busnes fod wedi'i gofrestru gyda CThEM.

Mae cymhwyster ar gyfer cyfraniad ewyllys da ac unrhyw gyfraniad a wneir yn ôl disgresiwn Dŵr Cymru.

Mae gan fusnesau yr effeithir arnynt ddyletswydd i gymryd pob cam rhesymol i leihau eu costau/colled o elw crynswth.

Bydd y ffurflen gais a mwy o wybodaeth ar gael ar y dudalen hon pan fydd y digwyddiad ar gau.

Cysylltu

Gallwn ni eich cyfeirio i'r lle cywir.

Yn eich ardal chi

Digwyddiadau neu waith sydd wedi'i gynllunio yn agos i chi.