Cyngor i Fyfyrwyr
Er mwyn helpu i'w gwneud yn haws i chi ymgartrefu yn eich llety newydd, rydym ni wedi paratoi cyngor ar yr hyn y dylech chi ei wneud pan fyddwch yn symud tŷ a phryd y mae angen i chi dalu.
Pryd byddwch chi’n cael bil
Caiff myfyrwyr eu bilio am yr amser y maent yn ei dreulio fel tenantiaid eiddo. Er enghraifft, os byddwch chi’n llofnodi cytundeb tenantiaeth o 1 Gorffennaf ymlaen, byddwn ni’n eich bilio o 1 Gorffennaf ymlaen.
Bydd y ffordd y byddwn yn eich bilio yn amrywio rhwng eiddo lle mae mesurydd ac eiddo lle nad oes mesurydd:
- Eiddo â mesurydd: byddwn ni’n eich bilio ar sail y dŵr rydych chi’n ei ddefnyddio, wedi ei fesur mewn metrau ciwbig, plws tâl sefydlog ar sail maint y mesurydd yn yr eiddo. Cliciwch ar y ddolen hon i gael rhagor o wybodaeth am ein taliadau â mesurydd. Os na fyddwch yn defnyddio unrhyw ddŵr, cewch eich bilio am y taliadau sefydlog yn unig.
- Eiddo heb fesurydd: byddwn ni’n eich bilio o’r dyddiad y mae eich tenantiaeth yn cychwyn tan 31 Mawrth. Wedyn, byddwn yn cyhoeddi bil newydd a fydd yn amlinellu’ch taliadau ar gyfer y 12 mis o 1 Ebrill ymlaen, a byddwch yn gyfrifol am dalu hwnnw nes eich bod yn symud allan
Efallai y byddwch yn cael bil o 1 Ebrill i 31 Mawrth y flwyddyn ganlynol ond eich bod chi’n bwriadu symud allan ym mis Gorffennaf. Peidiwch â phoeni, os talwch y bil yn llawn, pan fydd eich cyfrif yn cael ei gau, gellir trosglwyddo’r credyd i’ch cyfrif newydd neu ei ad-dalu ichi drwy gyfrwng siec. Os byddwch yn talu ar drefniant, yna bydd angen ichi barhau i dalu fel arfer a rhoi gwybod inni pan fyddwch yn symud allan fel y gallwn atal y taliadau.
Nawr eich bod wedi symud i mewn i'ch cartref efallai y byddwch yn dod o hyd i lythyrau oddi wrthym yn eich enwau. Mae'n bwysig eich bod yn agor y llythyrau hyn ac yn deall yr hyn yr ydym wedi'i sefydlu ar eich cyfer.
Cynlluniau talu dros dro
Os yw'ch cyfrif ar gynllun talu dros dro ar hyn o bryd, bydd angen i chi gysylltu â ni cyn gynted ag y byddwch yn derbyn yr allweddi i'r eiddo i drafod eich opsiynau talu a sefydlu'ch taliadau. Bydd angen i chi wirio unrhyw waith papur sydd wedi bod yn aros o dan eich enw pan fyddwch yn symud i mewn i'r eiddo gan y bydd hyn yn dangos eich cynllun talu cyfredol.
Peidiwch â thaflu unrhyw waith papur oddi wrthym gyda'ch enw chi arno. Agorwch ef i weld beth mae'n ei ddweud. Yna ffoniwch ni i drafod sut yr hoffech chi dalu wrth symud ymlaen os nad yw'r cynllun yn addas i'ch anghenion. Pan fyddwch wedi cysylltu â ni i ddiweddaru eich cynllun talu bydd eich dyddiadau talu yn cael eu hanfon atoch yn y post.
Rydym yn rhannu data gydag asiantaethau cyfeirio credyd, mae hyn yn golygu pan wneir taliadau ar amser, dylai rhannu gwybodaeth am dalu biliau dŵr yn rheolaidd gyfrannu'n gadarnhaol tuag at adeiladu hanes credyd da. Gall hyn helpu rhai cwsmeriaid i gael credyd a gwasanaethau a chynhyrchion ariannol mwy ffafriol. Os na wneir taliadau ar amser, mae hyn yn debygol o effeithio ar eich sgôr credyd a gallai arwain at wrthod credyd i chi.
Cysylltwch â ni cyn gynted ag y byddwch yn derbyn eich allweddi i sicrhau nad oes unrhyw effeithiau ar eich ffeil credyd os byddwch yn methu â dilyn y cynllun dros dro. Gallwch gysylltu â ni i sefydlu cynllun talu addas neu dalu'r bil yn llawn os ydych ar filiau anfesuredig.
Cyfrifoldeb
Gellir enwi hyd at 2 berson ar gyfrif (ac ar fil) a nhw fydd yn gyfrifol amdano. Gellir ychwanegu cysylltiadau pellach fel enwebeion ar gyfrif a chael yr awdurdod i'w drafod gyda ni ond ni fyddant yn ymddangos ar y bil. Ni all unrhyw un nad yw wedi'i enwi neu ei enwebu ar gyfrif drafod na gwneud newidiadau iddo.
Opsiynau talu
Mae yna ychydig o ffyrdd y gallwch dalu eich bil Dŵr Cymru.
- Dyrannu un cyfrif banc i dalu'r bil (naill ai'n llawn neu drwy ddebyd uniongyrchol)
- Gofyn am gerdyn talu i'w dalu mewn rhandaliadau yn eich Swyddfa Bost leol, neu unrhyw siop, gorsaf betrol ac ati lle mae'r arwydd PayPoint yn cael ei arddangos
- Gwneud taliadau untro ar-lein gan ddefnyddio'r cyfeirnod cwsmer ar gyfer yr eiddo (a fydd yn cael ei roi i chi pan fyddwch yn creu cyfrif). Gellir gwneud taliadau ar-lein trwy gardiau credyd / debyd, Google Pay, Apple Pay neu eich ap bancio. Nid oes angen i chi fod wedi eich enwi neu eich enwebu ar gyfrif i wneud taliad.
HyperJar
Mae HyperJar yn ffordd ddelfrydol o gynllunio a rhannu cost eich bil dŵr gyda phobl eraill. Dyma sut i ddefnyddio HyperJar:
- Gallwch agor Shared Jars er mwyn i chi fel grŵp rannu eich gwariant yn ddi-drafferth, yn cynnwys trefnu’ch biliau.
- Gallwch greu Jar ar gyfer unrhyw eitem, wasanaeth neu ddigwyddiad rydych yn cadw arian ar ei gyfer. Mae pob Jar yn fini-gyfrif ar wahân, a gallwch wario arian yn uniongyrchol o unrhyw Jar â’ch cerdyn HyperJar.
A pheidiwch â phoeni, ni fydd y ffaith eich bod yn rhannu Jar yn effeithio ar eich sgôr credyd – yn wir ni fydd dim a wnewch yn HyperJar yn gwneud hynny. Gallwch ddefnyddio’ch cerdyn HyperJar yn unrhyw le, gan gynnwys dramor heb unrhyw ffioedd.
Frequently asked questions
Os mai chi sy’n gyfrifol am dalu’r bil yn ôl eich cytundeb tenantiaeth, yna gall unrhyw ddau denant fod yn brif enwau ar y cyfrif. Gall tenantiaid eraill sy’n byw yno gael eu nodi ar y cyfrif a chael awdurdod i wneud newidiadau.
Os cawn yr wybodaeth gan y landlord, ychwanegir y ddau enw cyntaf a ddarperir at y cyfrif.
Nac ydym. Nid oes disgownt na thariff myfyrwyr ar gael.
Nac oes. Os ydych chi’n byw mewn Neuadd Breswyl, yna bydd eich trethi dŵr yn cael eu cynnwys gyda’ch rhent.
Ydych. Caiff eich cyfrif ei agor ar ddyddiad eich tenantiaeth (ar 1 Gorffennaf fel arfer) ac rydych yn gyfrifol amdano hyd at ddiwedd eich tenantiaeth.
Nac oes. Os ydych chi’n aros yn yr eiddo ar draws blynyddoedd academaidd, yna nid oes angen ichi roi gwybod inni. Parhewch â’ch cyfrif a rhowch wybod inni pan fyddwch yn symud.
Os byddwch yn symud cyn i’ch blwyddyn academaidd ddod i ben, yna rhowch wybod inni gan ddefnyddio ein ffurflen symud.