Wedi’i ddiweddaru: 16:00 03 December 2024

PWYSIG: Rydyn ni wedi ymestyn yr Hysbysiad Berwi Dŵr sydd mewn grym ar gyfer cwsmeriaid yn yr ardaloedd canlynol: Blaenrhondda, Blaencwm, Tynewydd, Treherbert, Treorci, Cwm-parc, Ton Pentre, y Gelli, rhannau o’r Pentre, rhannau o Donypandy a rhannau o Ystrad.

Achosodd Storm Bert lifogydd sylweddol ar safle Gweithfeydd Trin Dŵr Tyn-y-waun, gyda dŵr wyneb yn llifo oddi ar y bryn i mewn i’r tanc storio dŵr yfed gan effeithio ar y tanc ei hun.

Mae ein criwiau wedi bod yn gweithio ddydd a nos i unioni’r broblem, ond mae’r gwaith i atal difrod rhag llifogydd pellach yn golygu gosod pilenni anhydraidd o gwmpas y tanc storio.

Mae angen cyfnod o dywydd sych i gyflawni hyn yn llwyddiannus ac mae ein timau’n gweithio rownd y cloc i gyflawni’r gwaith cyn gynted â phosibl.

Bydd ein timau’n parhau i weithio rownd y cloc i gyflawni’r gwaith cyn gynted â phosibl.

Yn y cyfamser, rydyn ni’n gofyn i’r holl gwsmeriaid yn yr ardaloedd o dan sylw i barhau i ferwi eu dŵr cyn ei ddefnyddio at ddibenion yfed.

Rydyn ni’n dosbarthu dŵr potel i’r cwsmeriaid sydd ar ein Cofrestr Gwasanaethau Blaenoriaeth ac i gartrefi gofal, ac yn gweithio gyda safleoedd allweddol fel ysbytai.

Mae gorsafoedd dŵr potel ar agor yn y lleoliadau canlynol:

Ystâd Ddiwydiannol Ynyswen, Heol Ynyswen, Treorci, CF42 6ED.
Canolfan Chwaraeon Cwm Rhondda, Parc Gelligaled, Heol Tyntyla, CF41 7SY.
Co-op, Heol yr Orsaf, Treorci, CF42 6UA.

Rydyn ni’n blaenoriaethu cwsmeriaid bregus, ac yn gofyn i bobl gymryd beth sydd ei angen arnynt yn unig.

Gall cwsmeriaid:

Ddarllen am yr Estyniad i’r Hysbysiad Berwi Dŵr - Llythyr agored at gwsmeriaid gan ein Prif Weithredwr, Peter Perry.

Cadarnhau a yw’r broblem yn effeithio ar eu cyflenwad nhw trwy ddefnyddio’r gwiriwr cod post yma: https://www.dwrcymru.com/cy-gb/boil-water-notice

Gweld rhestr o Gwestiynau Cyffredin https://www.dwrcymru.com/cy-gb/boil-water-notice.

Edrych ar Yn Eich Ardal neu ein sianeli cyfryngau cymdeithasol am ddiweddariadau pellach.

Mae’n flin gennym am yr anghyfleustra yn sgil y digwyddiad yma.

Rheoliadau dŵr

Mae rheoliadau dŵr yn hanfodol wrth sicrhau ein bod yn gallu darparu’r dŵr yfed gorau posibl i’n cwsmeriaid a diogelu ein cyflenwad.

Dyma pam y mae gennym ni dîm rheoliadau dŵr sy’n gorfodi rheoliadau cyflenwi dŵr (ffitiadau dŵr) 1999 (neu ‘y rheoliadau’). Mae hyn yn ein galluogi ni i gadw eich cyflenwad dŵr yn ddiogel, ac ymdrin â phroblemau a all ddigwydd os yw’r systemau a ffitiadau plymio anghywir wedi eu gosod a’u cysylltu â’n cyflenwad dŵr yfed.

Mae’r rheoliadau yn helpu i ymdrin â phethau megis llygru dŵr yfed, gwastraffu dŵr yfed, a pheidio â defnyddio dŵr yfed yn y ffordd gywir (megis lefelau anarferol iawn o ddefnydd dŵr, mesuriadau anghywir o’r dŵr a ddefnyddir gan y cwsmer). Felly, yn ogystal â’r buddion iechyd, gall y rheoliadau helpu i arbed dŵr.

Mae’r rheoliadau yn fater difrifol iawn, ac mae’n bwysig bod unrhyw fethiant i gydymffurfio â’r rheoliadau yn cael ei unioni. Weithiau, bydd hyn yn golygu os na fydd cwsmeriaid yn fodlon trwsio’r problemau, fod gennym ni y pŵer i ddefnyddio’r gyfraith i’w datrys. Gall hyn arwain at ddirwyon a gwarantau, neu hyd yn oed erlyniad.

Yn yr un modd â chwmnïau dŵr eraill yn y DU, mae Dŵr Cymru yn aelod o y Cynllun Ymgynghori Rheoliadau Dŵr. Mae hwn yn helpu i rannu arferion gorau, a chael y newyddion diweddaraf ynghylch popeth sy’n ymwneud â ‘gwaith plymio’. Mae ein polisi gorfodi hefyd yn egluro rhagor am y ffordd yr ydym ni’n gweithio.

Os hoffech chi gysylltu ag aelod o’r tîm rheoliadau dŵr, anfonwch neges e-bost atom ni e-bost waterregulations@dwrcymru.com.

Generic Document Thumbnail

Polisi Gorfodi Rheoliadau Dŵr

PDF, 318.5kB

Watersafe – Plymwyr Lleol wed’u Cymeradwyo

Dewch o hyd i'ch plymwr, agosaf sydd wedi'i gymeradwyo gan Watersafe, nodwch eich cod post neu defnyddiwch eich lleoliad.