Pam mae fy nghyfrif mewn credyd?

Os nad oes gennych fesurydd a'ch bod mewn credyd

Mae unrhyw gredyd ar eich cyfrif fel arfer yn cael ei ad-dalu o fewn 14 diwrnod i'r bil.

Os oes gennych fesurydd a'ch bod mewn credyd

Efallai y bydd eich cyfrif mewn credyd ar wahanol adegau o'r flwyddyn, mae hyn oherwydd eich bod yn debygol o ddefnyddio mwy o ddŵr ar wahanol adegau (gan ddefnyddio mwy o ddŵr yn yr haf a llai yn y gaeaf) ond rydych yn talu'r un taliad debyd uniongyrchol bob mis. Felly, bydd y credyd sy'n cronni yn ystod y gaeaf yn helpu i gydbwyso eich biliau yn yr haf pan fydd mwy o ddŵr yn cael ei ddefnyddio. Mae hyn yn debyg i sut mae cwmnïau nwy a thrydan yn gweithio mewn cylchoedd bilio ac yn ystyried y tymhorau.

Byddwch yn cael eich bilio bob 6 mis a bydd y taliadau o'r bil hwnnw'n cael eu cymryd o unrhyw gredyd sydd gennych ar eich cyfrif a hefyd yn ystyried y taliadau debyd uniongyrchol rydych chi'n eu gwneud.

Os yw eich taliadau yn rhy uchel neu'n rhy isel, yna byddwn yn adolygu ac yn addasu eich taliadau parhaus, dangosir y rhain ar eich bil diweddaraf.

Os oes gennych swm uchel o gredyd ar eich cyfrif, yna efallai y byddwch yn derbyn bil yn fuan iawn. Dylech aros nes bod taliad eich bil wedi'i gymryd cyn gofyn am unrhyw gredyd sy'n weddill.

Os yw eich cyfrif wedi ei gau a'ch bod mewn credyd

Mae unrhyw gredyd sy'n weddill ar gyfrifon sydd wedi eu cau fel arfer yn cael ei ad-dalu o fewn 14 diwrnod. Nodwch os cymerwyd debyd uniongyrchol diweddar o'ch banc yna efallai y bydd oedi.