Wedi’i ddiweddaru: 19:00 02 December 2024

PWYSIG: Rydyn ni wedi ymestyn yr Hysbysiad Berwi Dŵr sydd mewn grym ar gyfer cwsmeriaid yn yr ardaloedd canlynol: Blaenrhondda, Blaencwm, Tynewydd, Treherbert, Treorci, Cwm-parc, Ton Pentre, y Gelli, rhannau o’r Pentre, rhannau o Donypandy a rhannau o Ystrad.

Achosodd Storm Bert lifogydd sylweddol ar safle Gweithfeydd Trin Dŵr Tyn-y-waun, gyda dŵr wyneb yn llifo oddi ar y bryn i mewn i’r tanc storio dŵr yfed gan effeithio ar y tanc ei hun.

Mae ein criwiau wedi bod yn gweithio ddydd a nos i unioni’r broblem, ond mae’r gwaith i atal difrod rhag llifogydd pellach yn golygu gosod pilenni anhydraidd o gwmpas y tanc storio.

Mae angen cyfnod o dywydd sych i gyflawni hyn yn llwyddiannus ac mae ein timau’n gweithio rownd y cloc i gyflawni’r gwaith cyn gynted â phosibl.

Bydd ein timau’n parhau i weithio rownd y cloc i gyflawni’r gwaith cyn gynted â phosibl.

Yn y cyfamser, rydyn ni’n gofyn i’r holl gwsmeriaid yn yr ardaloedd o dan sylw i barhau i ferwi eu dŵr cyn ei ddefnyddio at ddibenion yfed.

Rydyn ni’n dosbarthu dŵr potel i’r cwsmeriaid sydd ar ein Cofrestr Gwasanaethau Blaenoriaeth ac i gartrefi gofal, ac yn gweithio gyda safleoedd allweddol fel ysbytai.

Mae gorsafoedd dŵr potel ar agor yn y lleoliadau canlynol:

Ystâd Ddiwydiannol Ynyswen, Heol Ynyswen, Treorci, CF42 6ED.
Canolfan Chwaraeon Cwm Rhondda, Parc Gelligaled, Heol Tyntyla, CF41 7SY.
Co-op, Heol yr Orsaf, Treorci, CF42 6UA.

Rydyn ni’n blaenoriaethu cwsmeriaid bregus, ac yn gofyn i bobl gymryd beth sydd ei angen arnynt yn unig.

Gall cwsmeriaid:

Ddarllen am yr Estyniad i’r Hysbysiad Berwi Dŵr - Llythyr agored at gwsmeriaid gan ein Prif Weithredwr, Peter Perry.

Cadarnhau a yw’r broblem yn effeithio ar eu cyflenwad nhw trwy ddefnyddio’r gwiriwr cod post yma: https://www.dwrcymru.com/cy-gb/boil-water-notice

Gweld rhestr o Gwestiynau Cyffredin https://www.dwrcymru.com/cy-gb/boil-water-notice.

Edrych ar Yn Eich Ardal neu ein sianeli cyfryngau cymdeithasol am ddiweddariadau pellach.

Mae’n flin gennym am yr anghyfleustra yn sgil y digwyddiad yma.

"Coginio ar Gyllideb"

Ym mis Mai, gwnaethom gynnal ein Digwyddiad Costau Byw Sesiwn "Coginio ar Gyllideb" cyntaf yn Y Rhyl.

Daeth llawer iawn o gwsmeriaid i’r digwyddiad ac roedd modd iddyn nhw gasglu gwybodaeth gan y 19 sefydliad a oedd yn arddangos, yn ogystal â Thîm Deieteg Iechyd y Cyhoedd yn cyflwyno’r Sesiwn "Coginio ar Gyllideb."

Nod y sesiwn oedd dangos i bobl sut y gallwch chi wneud pryd blasus gan ddefnyddio cynhwysion cwpwrdd cegin ac i hyrwyddo sut mae bwyta’n iach hefyd yn helpu gyda’ch lles.

Roedd cyfle i flasu Tsili Ffa a gafodd ei goginio ymlaen llaw mewn popty araf, a hefyd, cafodd pawb a ddaeth i’r digwyddiad fag wedi’i lenwi â’r holl gynhwysion sydd eu hangen i wneud y tsili ffa ynghyd â llyfr ryseitiau. Diolch yn fawr i Morrisons Rhyl am roi’r holl fwyd.

Cawsom 2 enillwyr lwcus wnaeth ennill popty araf, roedden nhw’n falch iawn ac yn edrych ymlaen at wneud prydau blasus.

Daeth S4C draw i ffilmio’r diwrnod gan eu bod yn gwneud tipyn o hyrwyddo ynghylch costau byw a manteision bwyta’n iach.

Cooking on a budget

Cooking on a budget

Cooking on a budget

Cooking on a budget

Cooking on a budget

Cooking on a budget

Cooking on a budget

Cooking on a budget