Wedi’i ddiweddaru: 19:00 02 December 2024

PWYSIG: Rydyn ni wedi ymestyn yr Hysbysiad Berwi Dŵr sydd mewn grym ar gyfer cwsmeriaid yn yr ardaloedd canlynol: Blaenrhondda, Blaencwm, Tynewydd, Treherbert, Treorci, Cwm-parc, Ton Pentre, y Gelli, rhannau o’r Pentre, rhannau o Donypandy a rhannau o Ystrad.

Achosodd Storm Bert lifogydd sylweddol ar safle Gweithfeydd Trin Dŵr Tyn-y-waun, gyda dŵr wyneb yn llifo oddi ar y bryn i mewn i’r tanc storio dŵr yfed gan effeithio ar y tanc ei hun.

Mae ein criwiau wedi bod yn gweithio ddydd a nos i unioni’r broblem, ond mae’r gwaith i atal difrod rhag llifogydd pellach yn golygu gosod pilenni anhydraidd o gwmpas y tanc storio.

Mae angen cyfnod o dywydd sych i gyflawni hyn yn llwyddiannus ac mae ein timau’n gweithio rownd y cloc i gyflawni’r gwaith cyn gynted â phosibl.

Bydd ein timau’n parhau i weithio rownd y cloc i gyflawni’r gwaith cyn gynted â phosibl.

Yn y cyfamser, rydyn ni’n gofyn i’r holl gwsmeriaid yn yr ardaloedd o dan sylw i barhau i ferwi eu dŵr cyn ei ddefnyddio at ddibenion yfed.

Rydyn ni’n dosbarthu dŵr potel i’r cwsmeriaid sydd ar ein Cofrestr Gwasanaethau Blaenoriaeth ac i gartrefi gofal, ac yn gweithio gyda safleoedd allweddol fel ysbytai.

Mae gorsafoedd dŵr potel ar agor yn y lleoliadau canlynol:

Ystâd Ddiwydiannol Ynyswen, Heol Ynyswen, Treorci, CF42 6ED.
Canolfan Chwaraeon Cwm Rhondda, Parc Gelligaled, Heol Tyntyla, CF41 7SY.
Co-op, Heol yr Orsaf, Treorci, CF42 6UA.

Rydyn ni’n blaenoriaethu cwsmeriaid bregus, ac yn gofyn i bobl gymryd beth sydd ei angen arnynt yn unig.

Gall cwsmeriaid:

Ddarllen am yr Estyniad i’r Hysbysiad Berwi Dŵr - Llythyr agored at gwsmeriaid gan ein Prif Weithredwr, Peter Perry.

Cadarnhau a yw’r broblem yn effeithio ar eu cyflenwad nhw trwy ddefnyddio’r gwiriwr cod post yma: https://www.dwrcymru.com/cy-gb/boil-water-notice

Gweld rhestr o Gwestiynau Cyffredin https://www.dwrcymru.com/cy-gb/boil-water-notice.

Edrych ar Yn Eich Ardal neu ein sianeli cyfryngau cymdeithasol am ddiweddariadau pellach.

Mae’n flin gennym am yr anghyfleustra yn sgil y digwyddiad yma.

Hydref 2023

Yn ystod y mis, gwnaethom gefnogi Wythnos Genedlaethol Llyfrgelloedd. Y thema oedd “Bywyd Fforddiadwy - Gwyrdd”.

Gwnaethom helpu llawer o gwsmeriaid a ddaeth i ddefnyddio cyfleusterau’r llyfrgell yn ogystal â’r rhai a oedd yn mynychu grwpiau eraill fel Amser Rhigwm, Gweu a Sgwrsio, a Chrefft a Chlonc!

Cynhaliodd Peter, Pennaeth ein Hadran Cwsmeriaid Agored i Niwed, ddiwrnod Gweithdy Strategaeth Cwsmeriaid Agored i Niwed gyda rhai o’n rhanddeiliaid allweddol. Roedd yn gyfle gwych i bawb ddod at ein gilydd a rhannu syniadau am sut y gallwn barhau i gydweithio a chefnogi mwy o gwsmeriaid.

Gwahoddwyd y “Traceys” i ddod i Wobrau Undebau Credyd Cymru yng Nghaerdydd. Roedd hi’n noson wych o ddathlu a rhwydweithio, yn un o’r lleoliadau harddaf – diolch Sandy (Undeb Credyd Cambrian) am ein gwahoddiad.

Fel arfer, gwnaethom barhau i helpu cwsmeriaid yn y gymuned sy'n defnyddio'r fan arddangos. Fodd bynnag, mae “Vera” bellach yn cael seibiant haeddiannol dros fisoedd y gaeaf – cadwch lygad amdani pan fydd hi’n dychwelyd ym mis Ebrill!