Cau

Dewislen
English

Sut allwn ni eich helpu?

Mae ein cwsmeriaid fel arfer yn chwilio am:

Rhybudd Berwi Dŵr

Wedi’i ddiweddaru: 14:00 02 December 2024

PWYSIG: Rydyn ni wedi ymestyn yr Hysbysiad Berwi Dŵr sydd mewn grym ar gyfer cwsmeriaid yn yr ardaloedd canlynol: Blaenrhondda, Blaencwm, Tynewydd, Treherbert, Treorci, Cwm-parc, Ton Pentre, y Gelli, rhannau o’r Pentre, rhannau o Donypandy a rhannau o Ystrad.

Achosodd Storm Bert lifogydd sylweddol ar safle Gweithfeydd Trin Dŵr Tyn-y-waun, gyda dŵr wyneb yn llifo oddi ar y bryn i mewn i’r tanc storio dŵr yfed gan effeithio ar y tanc ei hun.

Mae ein criwiau wedi bod yn gweithio ddydd a nos i unioni’r broblem, ond mae’r gwaith i atal difrod rhag llifogydd pellach yn golygu gosod pilenni anhydraidd o gwmpas y tanc storio.

Mae angen cyfnod o dywydd sych i gyflawni hyn yn llwyddiannus, felly mae’r tywydd gwlyb yr wythnos hon wedi amharu ar ein gwaith, ac mae’r rhagolygon yn addo glaw eto dros y penwythnos.

Bydd ein timau’n parhau i weithio rownd y cloc i gyflawni’r gwaith cyn gynted â phosibl.

Yn y cyfamser, rydyn ni’n parhau i ofyn i’r holl gwsmeriaid yn yr ardaloedd o dan sylw i barhau i ferwi eu dŵr cyn ei ddefnyddio at ddibenion yfed.

Rydyn ni’n dosbarthu dŵr potel i’r cwsmeriaid sydd ar ein Cofrestr Gwasanaethau Blaenoriaeth ac i gartrefi gofal, ac yn gweithio gyda safleoedd allweddol fel ysbytai.

Mae’n flin gennym am yr anghyfleustra mae yn hyn wedi ei achosi.

Ymestyn yr Hysbysiad Berwi Dŵr - Llythyr agored oddi wrth Peter Perry

Gorsafoedd dŵr potel

Sefydlwyd gorsafoedd dŵr potel, ac mae’r rhain ar agor yn y lleoliadau canlynol:

  • Ystâd Ddiwydiannol Ynyswen, Heol Ynyswen, Treorci, CF42 6ED.
  • Canolfan Chwaraeon Cwm Rhondda, Parc Gelligaled, Heol Tyntyla, CF41 7SY.
  • Co-op, Heol yr Orsaf, Treorci, CF42 6UA.

Rydyn ni’n blaenoriaethu cwsmeriaid bregus, ac yn gofyn i bobl gymryd beth sydd ei angen arnynt yn unig.

Gall cwsmeriaid ddilysu a yw’r broblem yn effeithio ar eu cyflenwad nhw trwy ddefnyddio’r gwiriwr cod post ar ein gwefan: https://www.dwrcymru.com/cy-gb/boil-water-notice

Gall unrhyw gwsmeriaid y mae’r hysbysiad yn effeithio arnynt gael cyngor trwy ein gwefan lle mae yna restr o Gwestiynau Cyffredin.

Ewch i adran Yn Eich Ardal ein gwefan neu i’n sianeli cyfryngau cymdeithasol am ddiweddariadau pellach.

Tariff Terfyn Bil - WaterSure Cymru ar gyfer Partneriaid REACH

Os oes gennych fesurydd eisoes, neu wedi gwneud cais am un, mae tariff Terfyn Bil - WaterSure Cymru yn rhoi terfyn ar y swm y mae’n rhaid i chi ei dalu am eich dŵr.

Sut mae'n gweithio? 

Mae Tariff Terfyn Bil - WaterSure Cymru yn rhoi terfyn ar swm eich bil blynyddol mesuredig fel na fyddwch yn talu dros swm penodol ar gyfer y flwyddyn, ni waeth faint yr ydych yn ei ddefnyddio.

Cost Taliad Terfyn Bil - WaterSure Cymru o 1 Ebrill 2024 i 31 Mawrth 2025 yw £396.68 (£153.66 ar gyfer dŵr, £243.02 ar gyfer carthffosiaeth). 

Ydw i'n gymwys? 

Mae'r cynllun ar gael i gwsmeriaid sydd â mesurydd dŵr yn barod, neu sy'n penderfynu cael mesurydd dŵr wedi'i osod. I fod yn gymwys, mae’n rhaid i chi fod yn derbyn budd-dal cymwys neu gredyd treth a naill ai: 

  1. bod â 3 neu fwy o blant dan 19 oed yn byw yn eich cartref y cewch hawlio Budd-dal Plant ar eu cyfer, neu 
  2. fod ag aelod yn eich cartref â chyflwr meddygol sy’n golygu bod angen defnyddio llawer mwy o ddŵr nag arfer 

Budd-daliadau cymwys 

  • Cymhorthdal Incwm
  • Lwfans Ceisio Gwaith yn seiliedig ar Incwm
  • Budd-dal Tai
  • Credyd Treth Plant (ac eithrio teuluoedd sy'n cael yr elfen deuluol yn unig)
  • Lwfans Byw i'r Anabl (DLA)
  • Lwfans Cyflogaeth a Chymorth sy'n Gysylltiedig ag Incwm
  • Credyd Pensiwn
  • Credyd Treth Gwaith
  • Credyd Cynhwysol
  • Taliad Annibyniaeth Personol (PIP)

Cyflyrau meddygol 

Gall cyflyrau cyffredin y mae angen defnyddio llawer mwy o ddŵr nag arfer gynnwys: 

  • Digroeni (clefyd croen sy'n pilio)
  • Croen diferol (ecsema, soriasis, briwiau chwyddedig)
  • Anymataliaeth
  • Stoma'r Abdomen
  • Clefyd Crohn
  • Methiant Arennol sy'n gofyn am gael dialysis yn y cartref (heblaw pan fo'r awdurdod iechyd yn cyfrannu at gost y dialysis)

Arall: cyflwr meddygol arall sy'n golygu bod angen defnyddio llawer mwy o ddŵr ychwanegol

Ni fyddwch yn gymwys ar gyfer WaterSure Cymru os:

  • Nad oes mesurydd dŵr wedi'i osod yn eich eiddo. Os hoffech gael mesurydd wedi'i osod er mwyn bod yn gymwys, cwblhewch ffurflen gais WaterSure Cymru, gan gynnwys y ffurflen i wneud cais am fesurydd ar dudalen 5.
  • Rydych yn dyfrio eich gardd gydag offer na ddelir â llaw megis taenellwr neu system ddyfrhau ddomestig.
  • Mae gennych bwll nofio neu bwll sy'n gallu dal mwy na 10,000 litr.
  • Nid hwn yw eich prif gartref.
  • Caiff eich eiddo ei ddefnyddio at ddibenion masnachol..
  • Rydych yn rhannu taliadau eich bil gyda'ch cymydog/cymdogion.

Sut mae gwneud cais?

Gallwch wneud cais drwy lawrlwytho ein ffurflen gais WaterSure Cymru.

Gwnewch gais am ein

tariff Terfyn Bil - WaterSure Cymru

Gwnewch gais am ein tariff Terfyn Bil - WaterSure Cymru drwy lawrlwytho.

Gwybod mwy

Cysylltu

Gallwn ni eich cyfeirio i'r lle cywir.

Yn eich ardal chi

Digwyddiadau neu waith sydd wedi'i gynllunio yn agos i chi.