Tariff Terfyn Bil - WaterSure Cymru ar gyfer Partneriaid REACH

Os oes gan eich cleient fesurydd eisoes, neu os ydych wedi gofyn am un, mae tariff Terfyn Bil - WaterSure Cymru yn rhoi terfyn ar faint y mae'n rhaid iddynt ei dalu am eu dŵr.

Sut mae'n gweithio?

Mae WaterSure yn rhoi terfyn ar eu bil mesuredig blynyddol felly ni fyddant yn talu dros swm penodol am y flwyddyn, faint bynnag y maen yn ei ddefnyddio.

Cost Taliad Terfyn Bil - WaterSure Cymru o 1 Ebrill 2024 i 31 Mawrth 2025 yw £396.68 (£153.66 ar gyfer dŵr, £243.02 ar gyfer carthffosiaeth).

A ydych cleient yn gymwys?

Mae'r cynllun ar gael i gwsmeriaid sydd eisoes â mesurydd dŵr, neu sy'n dewis gosod mesurydd dŵr. I fod yn gymwys, rhaid iddynt fod yn derbyn budd-dal cymwys neu gredyd treth a naill ai:

3 neu fwy o blant dan 19 oed sy'n byw yn eu cartref y gallant hawlio Budd-dal Plant ar eu cyfer, neu
bod ag aelod o'r aelwyd â chyflwr meddygol sy'n gofyn am ddefnydd sylweddol o ddŵr ychwanegol

Budd-daliadau cymwys

Rhaid iddynt fod yn derbyn o leiaf un o'r canlynol:

Cymhorthdal Incwm
Lwfans Ceisio Gwaith yn seiliedig ar Incwm
Budd-dal Tai
Credyd Treth Plant (ac eithrio teuluoedd sy'n cael yr elfen deuluol yn unig)
Lwfans Byw i'r Anabl (DLA)
Lwfans Cyflogaeth a Chymorth sy'n Gysylltiedig ag Incwm
Credyd Pensiwn
Credyd Treth Gwaith
Credyd Cynhwysol
Taliad Annibyniaeth Personol (PIP)

Cyflyrau meddygol

Gall cyflyrau cyffredin y mae angen defnyddio llawer mwy o ddŵr nag arfer gynnwys:

Digroeni (clefyd croen sy'n pilio)
Croen diferol (ecsema, soriasis, briwiau chwyddedig)
Anymataliaeth
Stoma'r Abdomen
Clefyd Crohn
Methiant Arennol sy'n gofyn am gael dialysis yn y cartref (heblaw pan fo'r awdurdod iechyd yn cyfrannu at gost y dialysis)

Os nad yw eu cyflwr wedi'i restru yma, ond mae’n dal i fod angen cryn dipyn o ddŵr, gallwch roi rhagor o wybodaeth ar y ffurflen gais.

Arall: cyflwr meddygol arall sy'n golygu bod angen defnyddio llawer mwy o ddŵr ychwanegol

Ni fyddant yn bodloni'r gofynion...

Os nad oes ganddynt fesurydd dŵr wedi'i osod yn eu heiddo. Os hoffent gael mesurydd wedi'i osod i fod yn gymwys, cwblhewch ffurflen gais WaterSure Cymru, gan gynnwys y ffurflen gais am fesurydd ar dudalen 5.
Os ydynt yn dyfrio eu gardd gydag offer nad ydynt yn ei gario, fel system ddyfrhau domestig neu chwistrellwr.
Os oes ganddynt bwll nofio neu bwll gyda chynhwysedd o dros 10,000 litr.
Os nad yr eiddo rydych yn gwneud cais amdano yw eu prif gartref.
Os yw eu heiddo yn cael ei ddefnyddio at ddibenion masnachol.
Os ydynt yn rhannu talu eu bil gyda'u cymydog/cymdogion

Sut mae gwneud cais?

Gallwch wneud cais drwy lawrlwytho ein ffurflen gais WaterSure Cymru.

Gwnewch gais am ein