Digwyddiadau

Cynhadledd WHP 2022

Dyddiad: Dydd Mercher 30 Tachwedd 2022

Lleoliad: Canolfan Gynadledda Cefn Lea, Y Drenewydd

Ar ôl 2 flynedd heb gwrdd â’n gilydd roeddem wrth ein boddau i gynnal ein Cynhadledd Partneriaeth Iechyd Dŵr yn 2022. Cynhaliwyd y gynhadledd ym Mharc Cynadledda Cefn Lea yn y Drenewydd, ychydig yn hwyrach nag arfer, ar 30 Tachwedd.

Cafwyd rhai trafodaethau defnyddiol iawn rhwng cydweithwyr ac un o ganlyniadau’r gweithdy yw’r ymrwymiad i ffurfio grŵp tasg a gorffen Digwyddiadau Dros Do newydd. Un o amcanion y grŵp fydd adolygu ac ailgyflwyno’r ddogfen Canllawiau’r Bartneriaeth Iechyd Dŵr ar gyfer Digwyddiadau Dros Dro. Gallwch fynegi diddordeb mewn cymryd rhan yn y grŵp newydd yma.

Hoffem ddiolch i bawb am ddod, a diolch yn arbennig i’n siaradwyr gwadd. Isod ceir agenda lawn y gynhadledd gan gynnwys y cyflwyniadau ar y dydd.

• Crynodeb o Gynhadledd 2022

Cynhadledd WHP 2019

Dyddiad: Dydd Mercher, 18 Medi 2019

Lleoliad: Maes Sioe Frenhinol Cymru, Llanelwedd

Cynhaliwyd digwyddiad eleni ar Faes y Sioe Frenhinol yn Llanelwedd ar 18 Medi 2019. Yn y gynhadledd cafwyd cyfraniadau gan amrywiaeth o siaradwyr gan gynnwys Gian Marco Currado, Cyfarwyddwr yr Amgylchedd a Morol Llywodraeth Cymru, ar weledigaeth y llywodraeth ar gyfer y sector, yn ogystal â’r Athro John Fawell ar yr heriau sy’n dod i’r amlwg yn ymwneud â dŵr ac iechyd y cyhoedd. Cafwyd diweddariad hefyd gan yr Arolygiaeth Dŵr Yfed, a gan Refill Cymru, ar gynnydd menter Refill eleni. Daeth y digwyddiad i ben gyda sylwadau gan yr Athro Stephen Palmer.

Hoffwn ddiolch i bawb am fod yn bresennol, ac yn arbennig i’n siaradwyr gwadd. Isod mae’r agenda lawn ar gyfer y diwrnod gan gynnwys y cyflwyniadau a’r allbynnau o’r Gynhadledd.

• Crynodeb Cynhadledd 2019

Achlysur Blynyddol Partneriaeth Iechyd Dŵr Cymru

Dyddiad: Dydd Iau, 13 Medi 2018

Lleoliad: Llyfrgell Genedlaethol Cymru, Aberystwyth

Rydyn ni'n trefnu Achlysur Blynyddol bob blwyddyn. Nod y gynhadledd yw dangos gwaith y Bartneriaeth a chadw mewn cysylltiad â'n holl gydweithwyr.

Bu achlysur eleni'n llwyddiant ysgubol a chafwyd adborth cadarnhaol gan y dirprwyon. Islaw mae agenda lawn y diwrnod gan gynnwys cyflwyniadau ac allbwn yr Achlysur.

• Annual Event 2018 Summary

Achlysuron Partneriaid

Sefydliad Iechyd y Byd (WHO) - Gweminar, cyflenwadau bach o ddŵr yfed

Hoffai WHO eich gwahodd i weminar lansio canllawiau diwygiedig Sefydliad Iechyd y Byd ar gyflenwadau bach o ddŵr yfed ac offer archwilio glanweithiol cysylltiedig – offeryn ategol ar gyfer y Canllawiau.

Bydd cyfranogwyr yn cael ymwybyddiaeth o nodweddion allweddol y Canllawiau a'r offer, yn cyfnewid gwybodaeth gydag arbenigwyr ac ymarferwyr ar weithredu'r argymhellion a'r canllawiau, ac yn cael mewnwelediad i ymdrechion sydd ar y gweill i gefnogi gweithredu'r canllawiau ymhellach.

I gofrestru - ac I gael y rhestr o siaradwyr - Cliciwch yma.

Cyfarfod â Phwyslais: Beth sy’n Newydd mewn Cryptosporidiwm?

Iechyd Cyhoeddus Cymru, Uned Cyfeirio Cryptosporidiwm, ar y cyd â Phrifysgol Abertawe a’r Gymdeithas Meicrofioleg.

Dyddiad: Dydd Llun a Dydd Mawrth 6 a 7 Gorffennaf

Lleoliad: Campws y Bae Prifysgol Abertawe

Mae’r Uned Cyfeirio Cryptosporidiwm yn trefnu cynhadledd ar y cyd â Phrifysgol Abertawe a’r Gymdeithas Meicrofioleg yn Abertawe ar 6 a 7 Gorffennaf 2020.

Mae’r gynhadledd yn cynnwys hanner diwrnod ar 6 Gorffennaf yn canolbwyntio ar agweddau amgylcheddol ac iechyd cyhoeddus, a bydd 7 Gorffennaf o ddiddordeb ychwanegol i’r rhai hynny sy’n ymdrin â’r agweddau gwyddonol.

I weld yr agenda a’r dudalen digwyddiadau, cliciwch yma.

Mae rhagor o wybodaeth ar gael  yma.

Mae’r Gymdeithas Meicrofioleg wedi trydar amdano yma.